Прэс-сакратарка Лукашэнкі Наталля Эйсмант пракаментавала БелТА сітуацыю з вызваленнем трох членаў Саюза палякаў.
«Памятаеце размову прэзідэнта Беларусі з першым прэзідэнтам Казахстана Нурсултанам Абішавічам Назарбаевым? Яна адбылася ў сярэдзіне красавіка. Дык вось пытанне вызвалення некаторых дзеячаў беларускага Саюза палякаў абмяркоўвалася менавіта тады. І менавіта Нурсултан Абішавіч за іх прасіў, пасля чаго было прынята гэтае рашэнне. А вось на польскай гэтае пытанне прэзідэнт Беларусі не абмяркоўваў ні з кім і ніколі», — заявіла Наталля Эйсмант.
Нагадаем, тры з пяці зняволеных у Беларусі палякаў былі вывезеныя ў Польшчу.
Гэта палітзняволеныя Ірэна Бярнацкая, Марына Цішкоўская ды Ганна Панішава.
Вярнуцца ў Беларусь яны цяпер не могуць. На мяжы ім далі падпісаць адпаведныя паперы.
За кратамі застаюцца Анжаліка Борыс і Андрэй Пачобут. Паводле непацверджанай інфармацыі, ім прапаноўвалі вызваленне ў абмен на вываз з Беларусі, але яны адмовіліся.
Цяпер чытаюць
Мужчына ў мінскім метро лапаў дзяўчат, з выгляду падлеткаў, і паказваў ім пахабныя жэсты. Яго затрымалі10
Каментары