Лукашэнка пра прыезд міжнародных арганізацый у лагер мігрантаў: Прыязджаюць за нос дзіцятка пачасаць
На думку Лукашэнкі, некаторыя прадстаўнікі міжнародных арганізацый прыязджаюць у Беларусь, каб «пакрасавацца на фоне ўцекачоў». Калі прадстаўнікі міжнародных арганізацый прыязджаюць да мігрантаў толькі для таго, каб папіярыцца на гэтай тэме, «іх нагі там быць не павінна», заявіў Лукашэнка.
«Калі вы прыехалі, то дапамажыце ім. Не можаце гуманітарны калідор арганізаваць, дык скажыце, чаму не можаце. Там жа ў гэтых міжнародных арганізацый сканцэнтраваныя велізарныя фінансы. Акрамя Беларускага Чырвонага Крыжа і нашых дэпутатаў, прадстаўнікоў нашай улады, ніхто канкрэтна гэтым не займаецца. А прыязджаюць за нос дзіцятка пачасаць. Чаго ты чухаеш яму гэты нос бруднымі рукамі? На камеру, натуральна», ‒ абурыўся Лукашэнка.
Аб допуску ў мігранцкі лагер прадстаўнікоў міжнародных арганізацый беларускі бок прасіла Ангела Меркель.
Цяпер Беларусь, паводле слоў Лукашэнкі, рыхтуе другі рэйс па вяртанні бежанцаў на радзіму.
«Іх жаданні для нас закон. Хочуць вярнуцца ў Ірак, Сірыю — вы бачыце, мы арганізавалі рэйс. Яшчэ рэйс рыхтуем на канец месяца, калі набярэм гэтых людзей», — адзначыў Аляксандр Лукашэнка.
Тым, хто не хоча вяртацца на радзіму, беларускі бок акажа падтрымку, і ў пытанні таго, каб легальна трапіць у ЕЗ, сказаў Лукашэнка.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары