Прэзідэнт Нікарагуа дазволіў увесці на тэрыторыю краіны расійскія войскі
Прэзідэнт Нікарагуа Даніэль Артэга санкцыянаваў увод у краіну расійскіх войскаў, караблёў і самалётаў у гуманітарных мэтах з другой паловы 2022 года, паведамляе РБК са спасылкай на ўрадавую газету La Gaceta.
«Персанал, караблі і авіяцыя Узброеных сілаў Расійскай Федэрацыі могуць заходзіць для ўдзелу ў трэніроўках і вучэннях, а таксама аперацыях па аказанні гуманітарнай дапамогі, пошукава-выратавальных і аварыйна-выратавальных работах пры надзвычайных сітуацыях або стыхійных бедствах», — гаворыцца ў паведамленні La Gaceta.
Таксама Артэга дазволіў уезд у краіну ваеннага персаналу ЗША, Мексікі, Кубы, Венесуэлы, Гватэмалы, Сальвадора, Гандураса і Дамініканскай Рэспублікі для вучэнняў або аказання гуманітарнай дапамогі
Раней пасол Расіі ў Нікарагуа, Гандурасе і Сальвадоры Аляксандр Хахолікаў пацвердзіў, што расійскія вайсковыя спецыялісты адкрыта і на законных падставах працуюць у Нікарагуа, а караблі і самалёты ў выпадку неабходнасці могуць наведваць нікарагуанскія парты і аэрадромы.
Гэта дапускаюць законы гэтай цэнтральнаамерыканскай краіны, якая пасля вяртання ў 2007 годзе да ўлады прэзідэнта Даніэля Артэгі (раней займаў пасаду ў 1985—1990 гадах і быў адным з саюзнікаў СССР у Лацінскай Амерыцы) з'яўляецца адной з найбольш прыязных да Расіі і яе палітыкі дзяржаў у свеце. Дастаткова сказаць, што яна адна з літаральна некалькіх дзяржаў, якая следам за Расіяй прызнала ў 2008 годзе незалежнасць Абхазіі і Паўднёвай Асеціі.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе13
Каментары