«Я адчуваю сябе клікбейтам». Жыхарка Мельбурна паскардзілася на блогера, які падарыў ёй кветкі дзеля здымак у тыктоку
Аўстралійка супраць сваёй волі стала гераіняй віруснага відэа, якое набрала амаль 60 мільёнаў праглядаў. Гісторыю распавёў TJ.
22-гадовы блогер Харысан Паўлюк з 3,2 мільёна падпісчыкаў у тыктоку публікуе «сацыяльныя ролікі», на якіх ён дае ежу бяздомным, дорыць кветкі мінакам, аплачвае незнаёмцам пакупкі ў краме.
На адно з яго відэа трапіла пенсіянерка ў гандлёвым цэнтры ў Мельбурне.
Жанчына піла каву ў адзіноце, калі яе падышоў Паўлюк. «Прабачце, што турбую вас, можаце проста патрымаць гэта?» — спытаў блогер і даў ёй букет кветак. Потым ён пажадаў пенсіянерцы «добрага дня» і сышоў. Жанчына расплакалася і паклала букет на стол.
Відэа з гандлёвага цэнтра набрала больш за 59 мільёнаў праглядаў і больш за 11 мільёнаў лайкаў.
«Я спадзяюся, што гэта зрабіла яе дзень лепш», — напісаў Паўлюк у апісанні. Ролік завірусіўся ў сацсетках, пра яго напісалі СМІ.
Блогер распавёў Daily Mail Australia, што на гэты і іншыя падобныя ўчынкі яго натхніла паездка ў Лос-Анджэлес, дзе ён убачыў шмат бяздомных людзей.
«Я быў натхнёны і захацеў змяніць характар свайго кантэнту і выкарыстоўваць сваю платформу, каб рабіць нешта добрае і распаўсюджваць дабро. Недастаткова аўтараў выкарыстоўваюць свае платформы на карысць. Я хачу, каб мой кантэнт распаўсюджваў дабро, і, спадзяюся, ён хоць каго-небудзь натхніць», — заявіў ён.
Выданне адзначае, што на «кранальных» відэа ў тыктоку і на ютубе блогер зарабляе ад 10 да 15 тысяч даляраў у месяц дзякуючы партнёрству з брэндамі і спонсарам.
Журналісты ABC Radio Melbourne знайшлі жанчыну, якую Паўлюк зняў у гандлёвым цэнтры: яна адчувае сябе не шчаслівай, а «абесчалавечанай» пасля таго, як выкладзенае без яе згоды відэа паглядзелі каля 60 мільёнаў разоў.
«Ён перапыніў мой адпачынак, зняў і загрузіў відэа без маёй згоды і цяпер зарабляе на гэтым шмат грошай. Паблажліва думаць, што любая жанчына, асабліва пажылая, будзе ў захапленні ад таго, што нейкі незнаёмец падарыў ёй кветкі. Шчыра кажучы, я нават не хацела везці букет дадому», — сказала гераіня віруснага роліка, якая пажадала застацца ананімнай.
Ужо ў вечар здымак сяброўка паказала пенсіянерцы відэа з інтэрнэту з яе ўдзелам. Пазней ёй стала прыходзіць больш паведамленняў, аб выпадку ў гандлёвым цэнтры напісаў таблоід.
Спачатку для мяне гэта быў проста жарт, але потым я адчула сябе абесчалавечанай. Я адчуваю сябе клікбейтам.
У артыкуле гаворыцца, што блогер здзяйсняе «спантанныя акты дабрыні». «Гэтыя фальшывыя рэчы — не спантанныя акты дабрыні», — сказала жанчына.
Каманда блогера заявіла, што ён здымае відэа ў грамадскіх месцах, таму не абавязаны пытацца згоды людзей, якія трапілі ў кадр.
«Ён не хацеў, каб нешта, прызначанае для распаўсюджвання любові і спагады, выклікала ў каго-небудзь непакой. Хоць дагэтуль ён сутыкаўся толькі з удзячнасцю, калі хтосьці засмучаны, то не павінен саромецца пісаць яму на электронную пошту» — адказалі прадстаўнікі блогера.
Праз кавід страціў працу і ад няма чаго рабіць пачаў здымаць ролікі. Гісторыя Хабі Ламэ, самага папулярнага тыктокера свету
«Прачытала верш на ферме — і атрымала 200 тысяч лайкаў». Беларуска з вёскі стала сапраўднай зоркай тыктока
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары
не факт. але тое, што гэты Падлюк зарабіў на гэтым - гэта факт
а жанчына можа проста хацела папіць каву ў адзіноце...
https://nashaniva.com/295568