Да Дня беларускага пісьменства ў Гомелі прэзентавалі цягнік з непісьменным надпісам
Брэндаваны цягнік да Дня беларускага пісьменства прэзентавалі ў Гомелі, паведамляе БЕЛТА. Дызель-цягнік будзе ісці па маршруце, які звязвае Гомель і Добруш, у якім сёлета мае адбывацца афіцыёзнае свята. Але напісаць тэкст на цягніку без памылак аўтары ідэі не патрапілі.
Паводле афіцыйнага выдання, у цягніку «дызайн выкананы ў літаратурным стылі. На вокнах — унутры і звонку — партрэты вядомых беларускіх пісьменнікаў і дзеячаў, а таксама цытаты з іх твораў».
Але на фота, прыкладзеным да матэрыялаў дзяржСМІ, відаць, што імя ці прозвішча Івана Шамякіна — пісьменніка, акурат дзякуючы якому Дзень пісьменства праходзіць у Добрушы, бо тут ягоная радзіма, — на цягніку напісана з памылкай: «Іван Шамякин». На якой мове прыводзіцца цытата з ягонага твора, разгледзець складана — відаць, усё ж па-беларуску. Але нават калі і ў перакладзе, то памылка ёсць па-любому: у беларускай мове няма літары «и», а ў рускай — «і».
Памылка, трэба думаць, выпадковая, але сімвалічная. У ёй як у люстэрку адбіваецца сапраўднае, а не паказное стаўленне рэжыму Лукашэнкі да беларускай мовы і культуры.
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту37
Каментары