Знакаміты этнограф і культуролаг пражыў больш за сто гадоў.
1‑га лістапада, але стала вядома тольки цяпер, пайшоў з жыцця Клод Леві‑Строс, французскі этнограф, сацыёлаг і культуролаг, стваральнік школы структуралізм ў этналогіі, тэорыі «Інцэсту» (адной з тэорый паходжання права і дзяржавы), даследчык сістэм сваяцтва, міфалогіі і фальклору.
Нарадзіўся ў небагатай яўрэйскай сям’і (Леві Страус) у Брусэли ў далёкім 1908 г. Cкончыў знакамітую парыжскую Сарбону — вывучаў права і філасофію. Пасля вучобы, замест добрай і спакойнай кар’еры, малады француз з левацкімі поглядамі едзе ў Бразілію, дзе вельмі хутка становіцца прафесарам універсітэта Сан‑Паўлу. Менавіта даследаванні індзейскіх плямён Бразіліі прынеслі маладому вучонаму вядомасць.
ІІ Сусветная вайна прымусіла Леві‑Строса выехаць з Парыжа ў ЗША. Дзё ён становіцца даследчыкам з сусветна вядомым іменем. Яму належыць больш за два дзесяткі грунтоўных прац па антрапалогіі, этналогіі, сацыялогіі. Строс быў восем разоў уганараваны дзяржаўнымі ўзнагародамі. Не толькі французскімі і амерыканскімі, а таксама бразільскай, японскай і бельгійскай.
У 2008 годзе Леві‑Стросу споўнілася 100 гадоў і ён стаў першым членам Французскай акадэміі, які дасягнуў гэтага ўзросту. У тым жа годзе французская Бібліятэка Плеяды прыступіла да публікацыі яго прац, што звычайна пры жыцці аўтара не рабілася.
Цяпер чытаюць
У Беларусі множацца пляцоўкі для танцаў на свежым паветры — паглядзіце, як адпальваюць разам моладзь і пенсіянеры ў Серабранцы6
Каментары