Дырэктара стаматалагічнай клінікі асудзілі на тры гады «хатняй хіміі» за ўдзел у пратэстах у 2020 годзе
У судзе Ленінскага раёна Мінска 21 сакавіка асудзілі Валерыя Савіцкага паводле ч. 1 арт. 342 Крымінальнага кодэкса (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). Суддзя Анастасія Ачалава прызначыла Валерыю тры гады абмежавання волі без накіравання ў папраўчую ўстанову адкрытага тыпу («хатняй хіміі»), піша «Вясна».
Валерыя абвінавацілі ва ўдзеле ў акцыях пратэсту ў Мінску ў 2020 годзе, падчас якіх ён выходзіў на праезную частку і «выкарыстоўваў палотнішча бела-чырвона-белага колеру як пратэсны сімвал».
«На адным з фотаздымкаў Савіцкі выяўлены на фоне кардона з прадстаўнікоў сілавых ведамстваў паблізу будынка ГУМа і Нацыянальнага банка Рэспублікі Беларусь».
Мужчыну апазналі па фотаздымках з акцый, якія знайшлі ў яго мабільным тэлефоне. Ён раскаяўся ў здзейсненым.
Да суда мужчына знаходзіўся пад закладам памерам у 7400 рублёў.
Валерый Савіцкі — дырэктар прыватнага ўнітарнага прадпрыемства «Дэнтынмед», лекар хірург-стаматолаг.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары