20-гадовага жлобінца з няпростым лёсам караюць за пратэсты. Гэта будзе яго чацвёртая судзімасць
На момант пратэстаў Глеб Цецянкоў быў непаўналетнім.
Хлопца клічуць Глеб Цецянкоў. Ён са Жлобіна. Вядома, што з няпростай сям'і — ягоная маці бывала ў месцах пазбаўлення волі, а пра бацьку нічога невядома.
Глеб тройчы судзімы. Пра першую судзімасць інфармацыі няма.
Другі раз яго пакаралі ў жніўні 2022 года за тое, што нападпітку пабіў каля крамы сваю знаёмую, якая «абразіла ягоную маці і дзяўчыну». За гэта далі тры месяцы арышту і 1280 рублёў штрафу.
Апошні суд у Цецянкова быў у верасні 2023 года за п'яную бойку каля спажывецкай крамы. Яму далі тры гады «хатняй хіміі».
А цяпер хлопца збіраюцца пакараць за ўдзел у пратэстах. Суд пачнецца 21 сакавіка. Невядома, дзе ён знаходзіцца. Магчыма, што ў СІЗА, як і звычайна адбываецца з абвінавачанымі па артыкуле 342 Крымінальнага кодэкса.
Дарэчы, на момант пачатку пратэстаў Цецянкоў быў непаўналетнім — 18 яму споўнілася толькі ў кастрычніку 2021 года.
«Наша Нiва» — бастыён беларушчыны
ПАДТРЫМАЦЬ
Каментары