Кіраўніка мінскага АМАПа Балабу абралі старшынёй таварыства «Дынама»
Палкоўнік міліцыі, камандзір мінскага АМАПа Дзмітрый Балаба стаў новым старшынёй цэнтральнага савета Беларускага фізкультурна-спартыўнага таварыства «Дынама».
Такое рашэнне было прынята сёння ў Мінску на пасяджэнні кіраўнічага складу дынамаўскага таварыства, піша БелТА.
Што праўда, у прызначэнні Балабы нічога сенсацыйнага няма. Мінулым кіраўніком быў палкоўнік міліцыі Ігар Абярэмка, а само таварыства было заснаванае ў СССР у 1923 годзе па ініцыятыве Фелікса Дзяржынскага. У Беларусі філіял узначальвалі ў розны час Лаўрэнцій Цанава, Васіль Цімашэнка, міністры МУС Юрый Сівакоў, Юрый Бародзіч, кіраўнік МНС Энвер Барыеў.
Прапагандысты запэўніваюць, што 196 палітвязняў ужо на свабодзе9
Каментары