У Пінскім раёне мясцовы жыхар паведаміў у міліцыю, што група хлопцаў спрабуе спусціць на ваду лодку ягонага суседа. Гісторыя гэтым толькі пачыналася.
Як высветлілі сілавікі, кампанія маладых людзей адпачывала каля возера і ўжывала алкаголь. У пэўны момант ім прыйшла ў галаву думка, што добра было б пакатацца на лодцы, якая стаяла на беразе без мацавання. Ініцыятарам стаў 19-гадовы беспрацоўны выпускнік пінскага каледжа.
Сусед уладальніка лодкі заўважыў сітуацыю і адразу паведаміў пра гэта ў міліцыю. Але да прыезду яе супрацоўнікаў хлопцы паспелі адплысці на некалькі метраў і патапілі судна, бо яно не вытрымала чацвярых.
Маладыя людзі патлумачылі, што проста хацелі пакатацца. Аднак следчыя кваліфікавалі іх дзеянні як угон, у дачыненні да аднаго з удзельнікаў завялі крымінальную справу.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары