Расія гатовая адказаць на любыя магчымыя пагрозы ваеннай сілай. Пуцін сабраў Саўбез і зрабіў заяву
Пасля анонсу Крамля, што Уладзімір Пуцін зробіць важную заяву, яго пул паказаў кароткую прамову, якую прэзідэнт Расіі прачытаў з паперкі. Яна тычылася Дамовы аб мерах па далейшым скарачэнні і абмежаванні стратэгічных наступальных узбраенняў (ДСНУ), якая канчаецца ў лютым наступнага года.
Уладзімір Пуцін у выступе і пагражаў, і паказваў гатоўнасць дамаўляцца.
Паводле яго, Расія гатовая прытрымлівацца абмежаванняў, прадугледжаных дамовай з ЗША аб скарачэнні стратэгічных наступальных узбраенняў, і пасля 5 лютага наступнага года, калі заканчваецца тэрмін дзеянняў дамовы.
Паводле яго, гэты крок павінен стварыць спрыяльную атмасферу для далейшага дыялогу з ЗША. Пры гэтым Расія разлічвае, што ЗША будуць дзейнічаць адпаведна.
«Стратэгічная стабільнасць у свеце працягвае дэградаваць. Гэта звязана з дэструктыўнымі дзеяннямі Захаду», — сказаў Пуцін.
Па яго сцверджанні, менавіта ў выніку «разбуральных дзеянняў Захаду» былі істотна падарваныя асновы для дыялогу паміж дзяржавамі з ядзернай зброяй.
Але Расія, паводле яго заявы, здольная адказаць на любыя існуючыя пагрозы, РФ ўпэўненая ў надзейнасці нацыянальных сіл стрымлівання. Але зацікаўленая ў дыпламатыі.
Цяпер чытаюць
Лукашэнка пра «вялікую здзелку» з ЗША: Гэта не толькі палітвязні7
Каментары