Прэзідэнт Грузіі даў эксклюзіўнае інтэрв’ю спецыяльнаму карэспандэнту Агенцтва тэленавін Дзянісу Кур'яну.
15 ліпеня ў вячэрнім эфіры Першага канала выйдзе праграма «Актуальнае інтэрв’ю» з Міхаілам Саакашвілі.
Прэзідэнт Грузіі даў эксклюзіўнае інтэрв’ю спецыяльным карэспандэнту Агенцтва тэленавін Дзянісу Курьяну. Саакашвілі адказаў на пытанні: «Ці можна прымірыць Тбілісі і Маскву? Калі Грузія ўступіць у Еўразвяз? У якой ежы адмаўляе сабе прэзідэнт Грузіі, і на што крыўдзяцца яго сваякі?» і іншыя, паведамляе БелаПАН.
Нагадаем, некалькі дзён таму ў грузінскіх СМІ з’явілася інфармацыя, што прэзідэнт Грузіі ў Крыме сустракаўся з кіраўніком Беларусі. На сустрэчы А.Лукашэнка і М.Саакашвілі абмеркавалі двухбаковыя палітычныя і эканамічныя адносіны.
У афіцыйных каментарах Тбілісі падкрэслівалася, што, пасля прарыву ў дыпламатычных адносінах з Захадам, пачынаецца новы этап у адносінах з краінамі СНД, якія адчуваюць ціск з боку Расіі.
Афіцыйнай інфармацыі пра сустрэчу па беларускіх каналах не было. Магчыма, нешта скажа пра яе сам Саакашвілі ў эфіры Першага нацыянальнага каналу. «Актуальнае інтэрв’ю» пачынаецца, а 21.30.
Саакашвілі — вялікі раздражняльнік для Масквы. Раней Аляксандр Лукашэнка падкрэсліваў свае добрыя адносіны з Юшчанкам, іншым смяротным ворагам Крамля.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары