Чаму ірландцы не носяць брытанскі аналаг «георгіеўскай стужкі»
Не таму, што не паважаюць подзвіг пераможцаў у Першай ці Другой сусветнай войнах. Піша ў сваім блогу Алесь Чайчыц.
У Брытаніі аналагам нашага Дня перамогі можна лічыць 11 лістапада, дзень заканчэння Першай сусветнай вайны. Брытанія згубіла больш людзей у Першай сусветнай, чым у Другой, і таму гэта вайна грае больш важную ролю.У бадай што кожным раёне Лондана можна сустрэць помнікі з імёнамі пагінулых у «Вялікай вайне» землякоў.
Гэты дзень — Дзень памяці ўсіх пагінулых і дзень ушанавання ветэранаў ўсіх найноўшых ваенных канфліктах, дзе ваявала брытанскае войска. На 11 лістапада ў Лондане праходзіць парад ветэранаў усіх вайсковых канфліктаў і аперацый, дзе ўдзельнічала брытанскае войска: ад Другой сусветнай да Фалклендаў, Ірака і Афганістана. Праходзяць парады, трэба адзначыць, без танкаў і ракетніц.
Маюць брытанцы і аналаг расійскай георгіеўскай стужкі (які з’явіўся, вядома, шмат раней за яе)— увесь горад напярэдадні свята носіць на паліто пластыкавыя кветачкі маку. Гэты сімвал выкарыстоўваецца як для ўспамінаў па ветэранах, так і для, напрыклад, збора грошай для дапамогі сучасным брытанскім ваенным інвалідам.
А вось
у Ірландыі, якая ў доўгіх баях заваёўвала незалежнасць ад Брытаніі, кветкі маку насіць не прынята.Не таму, што ірландцы не паважаюць подзвіг пераможцаў у Першай і Другой сусветнай войнах, але таму што гэты сімвал асацыюецца з Брытаніяй. І не таму, што ірландцы штосьці маюць супраць сучаснай Брытаніі, але таму, што яны маюць не толькі добрыя асацыяцыі з брытанскай вайсковай гісторыяй. Для цікаўных — раю пачытаць развагі ірландскай журналісткі Мэры Кені.
Для Беларусі свята вызвалення ад нацызму моцна азмрочана аднаўленнем савецкай акупацыі,якая скончылася толькі праз 45 гадоў і абярнулася для краіны тысячамі ахвяраў палітычных рэпрэсій, русіфікацыяй, Чарнобыльскай катастрофай і, таксама, спадчынай у выглядзе сённяшняга яскрава неасавецкага аўтарытарнага рэжыму.
Гэта нармалёва, калі некаторыя расійцы носяць георгіеўскую стужку. Гэта таксама нармалёва, калі некаторыя беларусы адмаўляюцца яе насіць. Гэта нармалёва, што стужка была і будзе прадметам дыскусіі ў беларускім грамадстве на працягу бліжэйшых дзесяцігоддзяў.
Надзяваць на сябе георгіеўскую стужку, якая асацыюецца з СССР, для беларусаў, напэўна, гэтаксама спрэчна, як і чапляць
Каментары