U niamieckim nasielenym punkcie Pomielen u ziamli Mieklenburh — Piaredniaja Pamieranija zahareŭsia aŭtavoz, jakim kiravaŭ 45‑hadovy hramadzianin Biełarusi. Pra zdareńnie paviedamiła miascovaja palicyja, piša sajt «Biełaruś i mir».

Pažar adbyŭsia 9 listapada kala 18:40 na aŭtamahistrali A11, niepadalok ad pamiežnaha pierachodu Pomielen — Kałbaskava. Pavodle papiaredniaj infarmacyi, pryčynaj uzharańnia staŭ pierahreŭ tarmazoŭ pryčepa.
Hruzavik pieravoziŭ piać lehkavych aŭtamabilaŭ. U vyniku pažaru pryčep i try mašyny całkam zhareli. Taksama było paškodžanaje darožnaje pakryćcio. Z-za mocnaha zadymleńnia šašu daviałosia častkova pierakryć.
Ahulnuju škodu ad pažaru acanili prykładna ŭ 51 tysiaču jeŭra. Kiroŭca hruzavika nie paciarpieŭ. Dla evakuacyi zharełaha aŭtavoza spatrebiłasia śpiecyjalnaja technika.
Kamientary