U Prazie ŭ vyniku sutyknieńnia dvuch pasažyrskich ciahnikoŭ na hałoŭnym čyhunačnym vakzale ranicaj 17 listapada paciarpieli nie mienš za 46 čałaviek.

Avaryja adbyłasia kala 7‑j hadziny ranicy na moście nad vulicaj Siejfiertavaj. Abodva ciahniki ruchalisia ź nievialikaj chutkaściu, tamu, pavodle źviestak ratavalnikaŭ, surjoznych razbureńniaŭ nie adbyłosia. Pry hetym byli paškodžanyja piarednija častki abodvuch sastavaŭ.
Ruch ciahnikoŭ u napramku rajonaŭ Vysačany i Libień spyniali na dźvie hadziny. Paśla 9‑j hadziny pracu čatyroch płatformaŭ vakzała adnavili.
Usich paciarpiełych dastavili ŭ balnicy Prahi. Čaćviora ź ich znachodziacca ŭ ciažkim stanie, astatnija atrymali niaznačnyja traŭmy.
Ministr transpartu Čechii Ivan Biednaržyk nazvaŭ avaryju «vielmi surjoznym zdareńniem». Pavodle jaho, ciapier najvažniejšaje — pakłapacicca pra paciarpiełych.
Pryčyny i abstaviny zdareńnia rasśleduje Čyhunačnaja inśpiekcyja.
Kamientary