17 listapada na sajcie Mižnarodnaj fiederacyi chakieja (IIHF) chakiery raźmiaścili banier z vyjavaj rasijskich chakieistaŭ i nadpisam u padtrymku zbornaj Rasii. Na im było napisana: «Baiciesia sustrecca z Rasijaj?» i «Vy adchilili adzinuju kamandu, jakuju nie mahli pieramahčy».

Banier znachodziŭsia na hałoŭnaj staroncy sajta niekalki chvilin, paśla čaho resurs pierastaŭ adkryvacca. Naviedvalniki bačyli paviedamleńnie pra časovuju niedastupnaść i techničnaje absłuhoŭvańnie.
Incydent adbyŭsia praz dva dni paśla taho, jak IIHF vyrašyła nie dapuskać zbornuju Rasii da moładzievaha čempijanatu śvietu 2027 hoda. Turnir projdzie ŭ Kanadzie z 26 śniežnia 2026 hoda da 5 studzienia 2027-ha.
Raniej Spartyŭny arbitražny sud (CAS) pastanaviŭ, što rasijskim kamandam pavinny dazvolić udzielničać u spabornictvach IIHF. Adnak fiederacyja zachavała adchileńnie ad šerahu turniraŭ siezona 2026/2027. Adnoj z pryčyn niedapusku da moładzievaha čempijanatu nazyvałasia pazicyja kanadskich uładaŭ, jakija admovilisia vydavać rasijskim spartsmienam vizy.
IIHF nie paviedamiła, chto staić za chakierskaj atakaj. Taksama niama paćviardžeńniaŭ, što złamyśniki atrymali dostup da danych karystalnikaŭ abo ŭnutranych sistem fiederacyi. Paćvierdžany incydent abmiežavaŭsia raźmiaščeńniem starońniaj vyjavy na sajcie i nastupnaj niedastupnaściu resursu.
Rasijan viartajuć na chakiejnyja čempijanaty śvietu. Biełarusaŭ pakinuli za bortam
Zbornyja Biełarusi pa chakiei nie dapuścili da čempijanataŭ śvietu ŭ 2027 hodzie
17 krain vykazalisia suprać viartańnia chakiejnaj zbornaj Rasii na mižnarodnuju arenu. Tolki Biełaruś vystupiła za
Ułady Hiermanii zajavili pra «faktyčnuju niemahčymaść» praviadzieńnia ŭ siabie čempijanatu śvietu pa chakiei, kali ŭ im budzie ŭdzielničać Rasija
Kamientary