Vyznačylisia mahčymyja supierniki zbornaj Biełarusi ŭ stykavych matčach Lihi nacyj
Učora skončyŭsia čarhovy rozyhryš hrupavoha turniru futbolnaj Lihi nacyj.

Nahadajem, što zbornaja Biełarusi ŭ svajoj hrupie dyvizijona S zaniała druhoje miesca, prapuściŭšy napierad Ałbaniju i atrymała mahčymaść u sakaviku zhulać u pierachodnych matčach z adnoj z kamand, jakija zaniali apošniaje miesca ŭ adnoj z hrup dyvizijona «V».
Heta budzie adna z nastupnych zbornych: Paŭnočnaja Makiedonija, Hruzija, Izrail, Rumynija.
Pryčym Paŭnočnaja Makiedonija, Hruzija i Izrail nie vyjhrali nivodnaha matča ŭ svaich hrupach.
Losavańnie projdzie ŭ hetuju piatnicu ŭ šviejcarskim Ńjonie a 14‑j pa Minsku.
Dva stykavyja matčy projduć z 25 pa 30 sakavika 2027 hoda. Pieršy pajadynak biełarusy praviaduć na ŭmoŭna chatniaj arenie, imavierna, u Vienhryi, druhi — u haściach. Pieramožca dvuchmatčavaha supraćstajańnia atrymaje miesca ŭ dyvizijonie «V».
U nastupnym rozyhryšy Lihi nacyj u im buduć udzielničać 18 kamand, jakija buduć hulać u farmacie ahulnaha etapu, padobnaha da taho, jaki vykarystoŭvajecca ŭ kłubnaj Lizie čempijonaŭ. To-bok kožnaja zbornaja atrymaje ŭ supierniki šeść zbornych. Try matčy doma (u vypadku Biełarusi na niejtralnym poli), try ŭ haściach.
Kamientary