Pamior kandydat techničnych navuk, dacent kafiedry «Łakamatyvy», były zahadčyk kafiedry «Elektryčny ruchomy sastaŭ» Biełaruskaha dziaržaŭnaha ŭniviersiteta transpartu Uładzimir Mahiła. Jamu było 87 hadoŭ.

Uładzimir Mahiła naradziŭsia 15 lutaha 1939 hoda. Z 1972 hoda jahonaja pracoŭnaja dziejnaść była źviazanaja ź Biełaruskim dziaržaŭnym univiersitetam transpartu. U 1972—1986 hadach jon pracavaŭ asistentam, staršym vykładčykam i dacentam kafiedry «Elektratechnika», u 1986—1991 hadach uznačalvaŭ hetuju kafiedru. U 1979—1986 hadach byŭ namieśnikam dekana elektratechničnaha fakulteta. Z 1999 hoda kiravaŭ kafiedraj «Elektryčny ruchomy sastaŭ».
Pad kiraŭnictvam Uładzimira Mahiły na kafiedry pačali rychtavać inžynieraŭ-elektramiechanikaŭ pa śpiecyjalizacyi «Ciahavy sastaŭ čyhunačnaha transpartu (elektryčny transpart i mietrapaliten)», a taksama inžynieraŭ-enierhietykaŭ pa śpiecyjalizacyi «Elektrazabieśpiačeńnie čyhunak».
Jon byŭ navukovym kiraŭnikom navukova-daśledčaj łabaratoryi «Sistemy elektrazabieśpiačeńnia transpartu». Siarod jahonych navukovych intaresaŭ byli elektrazabieśpiačeńnie čyhunak, raspracoŭka mietadaŭ aptymizacyi ciahavaha elektrazabieśpiačeńnia elektryčnaha ruchomaha sastavu i čyhunak, enierhaźbierahalnyja i resursaźbierahalnyja technałohii na transparcie, a taksama elektrabiaśpieka.
Hramadzianskaja panichida adbudziecca 18 listapada, u sieradu, z 11:00 pa adrasie: Homiel, 1‑y zavułak Krupskaj, 1K, u zale raźvitańnia.
Kamientary