Bietonku ź Minska da Maładziečna płanujuć skončyć da kanca nastupnaha hoda
Rekanstrukcyju aŭtadarohi R-28 «Minsk — Maładziečna — Narač» płanujuć zaviaršyć da kanca 2027 hoda. Pra heta paviedamili ŭ Ministerstvie transpartu i kamunikacyj Biełarusi.

«Biełaŭtadar» pracuje na dvuch učastkach: vaśmikiłamietrovym adrezku za Ždanovičami i piacikiłamietrovym kala kompleksu «Linija Stalina». Darohu pašyrać, uzdoŭž jaje ŭstalujuć barjernyja aharodžy, a asfaltavaje pakryćcio zamieniać na cemientna-bietonnaje.
Paśla rekanstrukcyi daroha ź Minska ŭ Maładziečna pavinna zajmać kala 35 chvilin zamiest ciapierašniaj hadziny.
Pry hetym raniej mierkavałasia, što darohu ŭdasca zdać u ekspłuatacyju chutčej. U kastryčniku BiełTA paviedamlała, što raboty płanujuć skončyć da vieraśnia 2027 hoda. Ciapier ža aryjenciram staŭ užo kaniec 2027-ha.
Kamientary