U Biełarusi płanujuć pavialičyć dolu ajčynnaj makarony ŭ kramach. Pra heta paviedamili ŭ Ministerstvie antymanapolnaha rehulavańnia i handlu.

Z 10 vieraśnia 2026 hoda ŭ krainie dziejničaje patrabavańnie, pavodle jakoha abaviazkovy minimum tavaraŭ u handlovych sietkach pavinien zabiaśpiečvacca za košt biełaruskaj pradukcyi.
Pradstaŭnica Minhandlu Taćciana Šaŭcova adznačyła, što abjomy vytvorčaści ŭ biełaruskich pradpryjemstvaŭ rastuć, tamu pieraliki tavaraŭ, abaviazkovych dla najaŭnaści ŭ kramach, buduć pastupova pierahladać i pašyrać na karyść ajčynnaj pradukcyi.
Adnoj z novych pazicyj moža stać makarona hrupy A, vyrablenaja ź ćviordych sartoŭ pšanicy. U kastryčniku supracoŭniki viedamstva pravieryli, jak takaja pradukcyja pradstaŭlenaja na palicach kram. Vyśvietliłasia, što prykładna ŭ 70% vypadkaŭ pieravažaje impartnaja makarona.
Pry hetym u 45% pravieranych kramaŭ makarona hrupy A ŭvohule nie pradavałasia abo była pradstaŭlenaja tolki adnym-dvuma vidami. Najčaściej heta nazirałasia ŭ dyskaŭntarach. U 2026 hodzie Biełaruś stała najbujniejšym pakupnikom rasijskaj makarony.
Kamientary