Fond Tałaja, što vinavaciać u rusifikacyi ŭkrainskich dziaciej, stvaraje centr pad Barysavam
Fond Tałaja kupiŭ budynak u byłoj siadzibie Radziviłaŭ. Tam rychtujuć centr dla dziaciej z akupavanaj Ukrainy, piša Tribuna.com. Prajekt realizujuć za rasijskija hrošy.

Fond Alaksieja Tałaja nabyŭ budynak płoščaj 800 kvadratnych mietraŭ na terytoryi byłoj siadziby Radziviłaŭ u Starabarysavie pad Barysavam.
Tam stvarajuć reabilitacyjny centr dla ŭkrainskich dziaciej, vyviezienych z terytoryj, akupavanych Rasijaj. Taksama ŭ im płanujuć prymać biełaruskich dziaciej, jakija atrymali invalidnaść u vyniku niaščasnych vypadkaŭ.
Ramont užo nabližajecca da zaviaršeńnia. Sam Tałaj źbirajecca pravodzić u centry matyvacyjnyja zaniatki.
Pavodle jaho słoŭ, prajekt finansujecca dziakujučy «padtrymcy z Rasii». Chto mienavita z Rasii finansuje prajekt i kolki hrošaj na jaho vydatkavali, nie ŭdakładniajecca.
Dziejnaść fondu Tałaja ŭ dačynieńni da ŭkrainskich dziaciej vyklikaje abvinavačańni z boku pravaabaroncaŭ. Pavodle rasśledavańniaŭ, za prajektami, jakija padajucca jak azdaraŭleńnie i reabilitacyja, stajać taksama militaryzacyja dziaciej i naviazvańnie im idej ruskaha śvietu».
Tałaja i jaho fond abvinavačvajuć u datyčnaści da departacyi i prymusovaha pieramiaščeńnia ŭkrainskich dziaciej. Va Ukrainie suprać jaho raspačali kryminalnuju spravu.
Aficyjny Minsk admaŭlaje abvinavačańni ŭ niezakonnym vyvazie dziaciej.
-
«Kisłarod nam viarnuli, ale my nie možam udychnuć na poŭnyja hrudzi». Polski biznes acaniŭ hod paśla adkryćcia dvuch pierachodaŭ na miažy ź Biełaruśsiu
-
Pamierła partyzanka Kłaŭdzija Siarhiejeva. Joj było 98 hadoŭ
-
U Minsku zapuściać palicejskija drony z Dubaja, jakija sami, biez apierataraŭ, vylatajuć z boksaŭ VIDEA
Kamientary