U pasažyra na stancyi mietro znajšli samarobny mieč dla histaryčnych bajoŭ. Ciapier jaho buduć sudzić
Na stancyi minskaha mietro «Frunzienskaja» supracoŭniki słužby biaśpieki znajšli ŭ adnaho z pasažyraŭ samarobnyja mieč i nož. Abodva pradmiety pryznačalisia dla zaniatkaŭ histaryčnymi bajami. Adnak ekśpiertyza pakazała, što mieč źjaŭlajecca chałodnaj zbrojaj.

Pradmiety kanfiskavali ŭ vieraśni 2026 hoda padčas ahladu rečaŭ pasažyra. Pavodle źniešniaha vyhladu i kanstrukcyi mieč nahadvaŭ madel «Karalinh turnirny». Śpiecyjalisty adnieśli jaho da chałodnaj zbroi koluča-siečnaj dziejańnia.
Nož taksama mieŭ kanstruktyŭnyja asablivaści, padobnyja da chałodnaj zbroi, adnak ekśpierty nie stali adnosić jaho da hetaj katehoryi.
Za niezakonnaje našeńnie abo pieravozku chałodnaj zbroi praduhledžanaja administracyjnaja adkaznaść. Materyjały pravierki pieradali ŭ sud.
Padobny vypadak adbyŭsia ŭ krasaviku hetaha hoda na stancyi mietro «Praletarskaja». Tady padčas ahladu ŭ dvuch pasažyraŭ znajšli try nažy, dva ź jakich ekśpierty pryznali chałodnaj zbrojaj.
Raniej u minskim mietro taksama zatrymali 20‑hadovaha chłopca praź niezvyčajny aksiesuar dla kaściuma na Chełaŭin. Małady čałaviek uziaŭ u babuli kij, kab dapoŭnić vobraz rok-muzykanta Ozi Osbarna. Adnak padčas pravierki supracoŭniki mietro vyjavili ŭnutry kija klinok.
Kamientary