U Minsku 17 listapada pačała pracavać adna z samych papularnych koŭzanak stalicy — ladovaja placoŭka kala Pałaca sportu na praśpiekcie Pieramožcaŭ, 4a.

Koŭzanka prymaje naviednikaŭ štodnia z 10:00. Kožny sieans doŭžycca 45 chvilin, apošni zakančvajecca a 23:45.
U budnyja dni kvitok dla darosłych kaštuje 10 rubloŭ, dla dziaciej — 8 rubloŭ. U vychadnyja i śviatočnyja dni košt pavialičvajecca na 2 rubli. Praduhledžanyja taksama inšyja taryfy.
Možna nabyć abaniemient na 12 naviedvańniaŭ. Dla darosłych jon kaštuje 90 rubloŭ, dla dziaciej va ŭzroście ad 3 da 14 hadoŭ i piensijanieraŭ — 70 rubloŭ. Pracuje punkt prakatu kańkoŭ: dastupnyja pamiery ad 26‑ha da 48-ha.
U administracyi koŭzanki paviedamili, što da 31 śniežnia 2026 hoda možna karystacca abaniemientami, nabytymi letaś, kali na ich zastalisia niavykarystanyja naviedvańni.
Taksama možna arandavać usiu ladovuju placoŭku. U budnyja dni da 18:00 heta kaštuje 2000 rubloŭ za hadzinu, paśla 18:00 — 2800 rubloŭ. Arenda na ceły dzień, z 9:30 da 23:45, kaštavaćmie 21 600 rubloŭ. U vychadny dzień za arendu koŭzanki na ŭvieś hety čas daviadziecca zapłacić 30 tysiač rubloŭ.
Kamientary