Найбуйнейшыя турэцкія банкі перасталі працаваць з расійскімі картамі «Мир»
Буйныя турэцкія банкі İşbank і Denizbank перасталі працаваць з расійскай аплатнай сістэмай «Мир». Пры спробе зняць турэцкія ліры ў банкамаце İşbank «сістэма адмаўляе ў выдачы наяўных сродкаў, спасылаючыся на перавышэнне сутачнага ліміту». Банкаматы Denizbank «паведамляюць пра памылку пацверджання аперацыі і вяртаюць карту».
Агенцтва Bloomberg са спасылкай на заяву банка İşbank піша, што рашэнне аб прыпыненні супрацоўніцтва з сістэмай «Мир» было прынята турэцкімі банкамі пасля заявы Мінфіна ЗША аб магчымых санкцыях супраць тых, хто спрыяе распаўсюджванню выкарыстання гэтай сістэмы па-за межамі Расіі.
У той жа час яшчэ вясной міністр казначэйства і фінансаў Турцыі Нурэдзін Небаці абяцаў, што ў расіян не будзе праблем з аплатай паслуг і тавараў банкаўскімі карткамі ў краіне праз абмежаванні VISA і Mastercard. Ён сцвярджаў, што 15% турэцкіх прадпрыемстваў прымаюць карты «Мир».
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі17
Каментары