Выратавальнікі ў Гомельскай вобласці выцягнулі з гурбы снегу машыну хуткай дапамогі, у якой везлі ў лякарню цяжкахворую пацыентку.
Здарэнне адбылося мінулай ноччу за 100 метраў ад вёскі Рудня Гарбовіцкая ў Калінкавіцкім раёне. Шафёр хуткай не справіўся з кіраваннем на цяжкім участку дарогі, машыну аднесла ў сумёт на краі праезнай часткі, і «Газэль» засела ў ім.
Пасажыры машыны не пацярпелі. Аднак брыгада хуткай дапамогі везла ў бальніцу пацыентку ў цяжкім стане з дыягназам «парушэнне мазгавога кровазвароту», якой патрабавалася тэрміновая шпіталізацыя.
Работнікі МНС пры дапамозе лябёдкі выцягнулі аўтамабіль на праезную частку дарогі, пасля чаго хворая была дастаўлена ў бальніцу.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай9
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары