Былога палкоўніка ГРУ Квачкова асудзілі на 13 гадоў за падрыхтоўку паўстання
Такое рашэнне ў пятніцу вынес Маскоўскі гарадскі суд. Увесь тэрмін зняволення Уладзімір Квачкоў правядзе ў калоніі строгага рэжыму.
Квачкоў сваёй віны не прызнаў. Адстаўны палкоўнік заявіў, што рыхтаваўся не да мяцяжу, а «да партызанскай вайны на выпадак магчымага ўварвання непрыяцеля». Бо ён меў сумневы ў баявых якасцях расійскай арміі.Былога палкоўніка Галоўнага разведвальнага ўпраўлення прызналі вінаватым у схіленні і вярбоўцы людзей да ўзброенага бунту і ў падрыхтоўцы ўзброенага выступлення.
Квачкоў у свой час наведваў таксама Беларусь і прызнаваўся ў захапленні палітычным курсам і ладам РБ.
Каментары