Нацгвардыя Украіны: Расейскія вайскоўцы правакуюць украінскіх на агрэсію
Расейскія войскі не былі адведзеныя ад украінскай мяжы і вядуць актыўную правакацыйную дзейнасць.
Пра гэта заявіў камандуючы Нацгвардыяй Украіны Сцяпан Палтарак, адказваючы на пытанні журналістаў у Харкаве.
«Па шматлікім сваім становішчы і складзе расійскія войскі практычна не мяняюцца», — адзначыў ён.
Палтарак падкрэсліў, што расійскія войскі вядуць актыўную перадыслакацыю, актыўную правакацыйную дзейнасць, перасякаюць украінскія паветраныя межы ці спрабуюць гэта рабіць.
«Яны спрабуюць стварыць нервовую абстаноўку ў нашых вайскоўцаў і памежнікаў. Гэта зразумела — гэта адна з формаў дзеянняў для таго, каб стварыць паніку, дыскамфорт у нашых шэрагах», — сказаў ён.
Палтарак адзначыў, што ўкраінскія сілавікі адсочваюць сітуацыю, выразна разумеюць, што робяць расійскія вайскоўцы, і гатовы адэкватна адказваць.
Як вядома, 7 мая Пуцін заявіў на прэс-канферэнцыі аб адводзе расійскіх войскаў ад украінскай мяжы.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары