Сядзячы лад жыцця ў сучаснай медыцыне трывала асацыюецца з небяспекай для здароўя. Напрыклад, даследванне, праведзенае супрцоўнікамі амерыканскім Нацыянальнага інстытута раку ў 2012 годзе паказала, вышэйшы ўзровень смяротнасці сярод тых груп людзей, якія праводзілі шмат часу седзячы.
Шкода ад сядзення тлумачыцца застоем крыві ў нагах, што выклікае эндатэліяльную дысфункцыю (парушэнне нармальнай працы ўнутранай высцілкі сасудаў і сэрца, адказнай за кантроль артэрыяльнага ціску і многіх іншых важных функцый) і прыводзіць да сардэчна-сасудзістых хваробаў.
Аднак пазбегнуць негатыўных эфектаў працяглага сядзення можна простай 5-хвіліннай прагулкай, сцвярджаюць навукоўцы.
Група даследчыкаў з Універсітэта Індыяны ў ЗША правяла эксперымент, падчас якога 12 мужчын з нармальнай вагой цела былі падзеленыя на дзве групы. Першая група бесперапынна сядзела цягам трох гадзін. Другая група тройчы перарывала сваё трохгадзіннае сядзенне павольнымі 5-хвіліннымі прагулкамі (пасля 30 хвілін, 1,5 гадзін і 2,5 гадзін сядзення).
Па прашэсці трох гадзін навукоўцы з дапамогай ультрагукавай дыягностыкі праверылі стан сцегнавых артэрый мужчын.
Артэрыі членаў першай групы звузіліся на 50% у параўнанні з пачатковым станам, а прыцёк крыві да ног таксама знізіўся. А вось у прадстаўнікоў другой групы не назіралася значных змен у стане артэрый. Нягледзячы на невялікую колькасць удзельнікаў, эксперымент паказвае, наколькі важна для здароўя не проста рухацца, але і пастаянна чаргаваць перыяды сядзення з перыядамі нават невялікай фізічнай актыўнасці.
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары