«Атрымаў раненне. На вайне гэта бывае», — перадаў «Веснік Праваго сектара» ў фэйсбуку паведамленне ад Дзмітра Яраша, кіраўніка арганізацыі, які асабіста ўдзельнічаў у баях пад Данецкім аэрапортам.
Яраш напісаў праз Viber, што ягоная правая рука пакуль што не працуе, аднак ёсць надзея, што ўсё будзе добра. А таксама прыслаў сваё фота ў шпіталі.
Да яго прыехалі дочкі ды іншыя сваякі.
Ён падзякаваў вайсковым і цывільным медыкам, якія дапамагаюць яму і іншым параненым.
«А з такімі анёлкамі, як на фота, працэс загойвання ран значна хутчэйшы. Яшчэ паваюю… Перамога будзе за намі!» — піша Яраш.
Раней у Інтэрнэт выклалі відэа, як параненага, накрытага коўдрай Дзмітрыя Яраша на насілках выносяць з Сялідаўскай гарадской клінічнай бальніцы ў Данецкай вобласці.
Нагадаем, Дзмітрыю Ярашу на Данбасе перабіла руку, адзін асколак зачапіў галаву.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары