На грамадскае абмеркаванне вынесены праект указа пра заробкі ў канвертах
Міністэрства па падатках і зборах Беларусі вынесла на грамадскае абмеркаванне праект указа «Аб мерах па прадухіленні выплаты ўзнагароджання за працу з ухіленнем ад выплаты падаткаў і іншых абавязковых плацяжоў».
Згодна з праектам указа, калі грамадзянін паведаміць, што атрымлівае зарплату ў канверце, і (або) прадставіць дакументы, якія сведчаць аб прыкметах такога парушэння, то плаціць падаходны падатак з шэрых сум яму ўжо не давядзецца.
Яшчэ адна ўмова падатковай «амністыі» — пісьмовая згода на дачу паказанняў.
Праектам указа прадугледжана, што аб фактах атрымання зарплаты ў канверце можна будзе паведаміць у падатковыя органы, фонд сацыяльнай абароны Мінпрацы і сацабароны і яго тэрытарыяльныя органы, а таксама ў «Белдзяржстрах».
У межах сваёй кампетэнцыі работнікі падатковай сферы, ФСАН, «Белдзяржстраха» будуць прымаць меры для пацвярджэння факта выплаты зарплаты ў канверце. Калі спатрэбяцца дадатковыя праверкі, то, у адпаведнасці з праектам указа, гэтым зоймуцца органы фінансавых расследаванняў Камітэта дзяржаўнага кантролю і Міністэрства ўнутраных спраў.
Акрамя таго, у дакуменце прапісана адказнасць работадаўцаў, віна якіх будзе даказана.
Прадугледжаны штрафы ад 1 да 100 базавых велічынь (цяпер адна БВ складае Br180 тыс.). За паўторнае парушэнне на працягу года штрафы падвояцца.
Цяпер чытаюць
Студэнтак беларускіх ВНУ абавязалі тэрмінова запоўніць анкету з пазначэннем свайго росту74
Каментары