Турцыя ў сувязі з абвастрэннем адносінаў з Расіяй з-за авіяінцыдэнтаў можа перагледзець пытанне закупак расійскага газу, заявіў прэзідэнт Турцыі Рэджэп Таіп Эрдаган.
«Расія павінна быць адчувальная ў гэтых пытаннях. Мы з'яўляемся пакупніком нумар адзін прыроднага газу з Расіі. Страта Турцыі будзе сур'ёзнай стратай для Расіі. Пры неабходнасці Турцыя можа купляць прыродны газ у самых розных месцах», - заявіў Эрдаган журналістам у самалёце, кіруючыся з візітам з Японію.
Ён адзначыў, што Турцыя можа перагледзець таксама пытанне аб будаўніцтве АЭС «Акую» па расійскім праекце.
«Калі рускія не пабудуюць АЭС «Акую», нехта іншы прыйдзе і пабудуе яе», — дадаў Эрдаган, словы якога прыводзіць тэлеканал NTV.
Мінабароны РФ паведаміла ў панядзелак, што 3 кастрычніка расійскі самалёт Су-30 здзейсніў кароткачасовы, на некалькі секундаў, заход у турэцкую паветраную прастору. У Мінабароны адзначылі, што гэты інцыдэнт стаў вынікам неспрыяльных умоў надвор'я.
Турэцкі прэм'ер Ахмет Давутаглу раней заявіў, што інцыдэнт не выкліча напружанасці ў адносінах паміж краінамі. Паводле яго слоў, Масква паведаміла Анкары, што інцыдэнт з парушэннем вайсковым самалётам РФ паветранай прасторы Турцыі адбыўся па памылцы, і запэўніла, што такіх інцыдэнтаў не паўторыцца.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары