Канал АНТ прайшоўся па праваслаўных «патрыятычных» летніках, якія арганізоўваюць рускія нацысты для беларускіх падлеткаў
Першага жніўня дзяржаўны канал АНТ выпусціў сюжэт «Татуіроўкі за мяжой маралі і закона», які пачынаецца з гісторыі жыхара Заслаўя, які па маладосці набіў сабе нацысцкія наколкі.
Але куды больш увагі аўтары надаюць псеўдаправаслаўнаму неанацызму — тэме, да якой «Наша Ніва» ўжо даўно прыцягвае ўвагу. У сюжэце выкарыстоўваюцца скрыншоты з сайта «Нашай Нівы» і прыводзяцца факты, выкрытыя нашымі журналістамі.
У сюжэце носьбіты нацысцкіх ідэй атаесамляюцца з актывістамі «рускага свету».
«Самы яскравы ўзор — РНЕ — «Рускае нацыянальнае адзінства». Яго актывісты заклікаюць беларусаў адмовіцца ад сваёй дзяржаўнасці і выкарыстоўваюць тыя ж жэсты, што і нямецкія фашысты», — перадае АНТ. Далей ідуць кадры, дзе некалькі чалавек «зігуюць» пад вокліч «Слава Расіі».
«Вядомыя факты, — працягвае журналіст, — калі актывісты РНЕ праз сацыяльныя сеткі спрабавалі вербаваць беларусаў на вайну ў Данбасе».
Далей робяцца высновы, што для ўзмацнення ўплыву на розум неанацызм змешваюць з праваслаўнай сімволікай.
«Рэлігійную карту спрабуюць выкарыстаць і іншыя, падобныя да РНЕ рухі: арганізоўваюць паездкі ў падлеткавыя ваенна-патрыятычныя летнікі на тэрыторыі Расіі, а там — вучаць ваяваць», — АНТ паказвае скрыншот з сайта «Нашай Нівы», расказваючы пра Аляксея Мільчакова і яго «подзвігі» на глебе забойства сабак і людзей. Мільчакова называюць «рускім неанацыстам».
«Патрыятычныя лагеры з праваслаўным ухілам і пад сцягам расійскай імперыі фіксуюць у розных кутках Беларусі, — працягвае АНТ. — Чым заканчваюцца такія гульні ў «Зарніцу», добра памятаюць жыхары адной з вёсак на Гомельшчыне: 17 гадоў таму яе захапілі падлеткі адной расійскай ваенна-патрыятычнай арганізацыі. Людзей пабілі і ўзялі ў закладнікі. І хаця такія вучэнні скончыліся для іх арганізатара, грамадзяніна Расійскай Федэрацыі, турмой, падобныя педагогі не перавяліся».
Пры гэтых словах у эфіры мільгаюць скрыншоты старонкі псеўдаказака Сяргея Зубацкага — фігуранта аднаго з расследаванняў «Нашай Нівы», сябра чарнасоценскіх арганізацый «Нёманскае казацтва» і «Казацкі спас».
Таксама ў сюжэце даецца слова супрацоўнікам міліцыі і колішняму сябру РНЕ.
Цалкам сюжэт можна паглядзець на сайце АНТ.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы30
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары