«Інавацыйнае» падраздзяленне кампаніі Wargaming — WG Labs — анансавала выхад камп'ютарнай экшн-гульні Hybrid Wars. Старонка праекта з'явілася на сэрвісе Steam.
«У Hybrid Wars гулец становіцца наёмным салдатам і прымае ўдзел у глабальным супрацьстаянні, — апісваюць праект яго стваральнікі. — Разнастайнасць баявых машын і рыштунку дазваляе выкарыстоўваць розныя тактыкі пры выкананні місій, а футурыстычны сетынг і гібрыдная вайна ва ўмовах тэхналагічнай рэвалюцыі толькі абвастраюць барацьбу за выжыванне».
Hybrid Wars дасць на выбар трох розных персанажаў, кожны са сваімі характарыстыкамі і гісторыяй. Выкарыстоўваць герояў можна будзе ў межах адзіночнай кампаніі і ў мультыплэерных рэжымах.
Новая гульня распрацоўваецца для платформаў Windows, Mac і Linux. Рэліз Hybrid Wars запланаваны на 2016 год.
WG Labs — «лабараторыя нестандартных праектаў», створаная кампаніяй Wargaming. Раней гэта падраздзяленне стала вядома «адраджэннем» касмічнай стратэгіі Master of Orion.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца4
Каментары