НАЭК «Энергаатам» і брытанска-нямецка-галандская кампанія URENCO падпісалі трохгадовы кантракт на пастаўку ўранаўзбагачанага прадукту для патрэб украінскіх атамных электрастанцый.
Падпісанне дакумента адбылося ў чацвер у Кіеве, паведамляе «Інтэрфакс-Украіна».
«Мы падпісалі кантракт на пастаўку узбагачанага ўранавага прадукту для патрэб ўкраінскіх АЭС. Гэты прадукт на працягу трох гадоў будуць пастаўляць на завод Westinghouse ў Швецыі, дзе вырабляюцца паліўныя зборкі для нашых атамных электрастанцый», — сказаў прэзідэнт «Энергаатаму» Юрый Недашкоўскі.
Ён дадаў, што дакументам прадугледжваецца штогадовая гарантаваная пастаўка дзвюх партый узбагачанага ўрану, а таксама апцыянальна дзве дадатковыя пастаўкі ў год.
URENCO з'яўляецца пастаўшчыком узбагачанага ўранавага прадукту для «Энергаатама» па выніках тэндару, у якім удзельнічалі пяць кампаній.
Каментары