Шматразовы чэмпіён свету па кікбоксінгу Муса Мусалаеў быў застрэлены ў Ной-Ульме. Паліцыя вядзе расследаванне, піша DW.
У нямецкім горадзе Ной-Ульме забіты шматразовы чэмпіён свету па кікбоксінгу, ураджэнец Татарстана Муса Мусалаеў. Пра гэта паведаміла ў аўторак, 22 лістапада, газета Augsburger Allgemeine.
Злачынства было здзейснена ў пятніцу, 18 лістапада, каля 18.00. Па словах відавочцаў, 37-гадовага Мусалаева застрэліў ля пад'езда яго дома невядомы мужчына ў масцы, які адразу ж з'ехаў на аўтамабілі з месца злачынства.
Паліцыя вядзе расследаванне, пакуль ніякіх слядоў выявіць не ўдалося. Аднак, як заявіў кіраўнік крымінальнай паліцыі Ной-Ульма Юрген Швайцэр (Jurgen Schweizer), праваахоўныя органы маюць доказы, якія «дазволілі следству ў істотнай ступені рушыць наперад». Чуткі пра тое, што забіты мог быць звязаны з «рускай мафіяй», паліцыя не каментуе.
37-гадовы Муса Мусалаеў быў капітанам татарскай каманды па кікбоксінгу «Prince Team». Ён быў прызначаны саветнікам прэзідэнта Татарстана па пытаннях фізічнай культуры і спорту, займаў гэтую пасаду ад 2010 да 2013 года. Ад 2013 года Мусалаеў з сям'ёй стала жыў у Германіі.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары