Грамадзяніну Расіі, затрыманаму 25 сакавіка ў Мінску, на 10 гадоў забаранілі ўезд у Беларусь
Зь Беларусі дэпартаваны грамадзянін Расеі Аляксей Паліховіч, які быў затрыманы ў Менску 25 сакавіка. Нібыта за ўдзел у несанкцыянаванай акцыі маладому чалавеку прысудзілі 12 сутак адміністрацыйнага арышту.
Суд Кастрычніцкага раёну Менску вызначыў, што Паліховіч «нёс бел-чырвона-белы сьцяг і выкрыкваў лёзунгі на беларускай мове». Пры тым, што сам расеец спрабаваў давесьці, што беларускай мовы ня ведае.
Сёньня Аляксей Паліховіч вярнуўся ў Маскву і на сваёй старонцы ў Фэйсбуку паведаміў: яму забаронены ўезд у Беларусь на працягу 10 гадоў — да 7 красавіка 2027 году.
Аляксей Паліховіч зьяўляецца фігурантам справы аб беспарадках на Балотнай плошчы ў Маскве ў траўні 2012 году. Разам зь іншымі актывістамі ён прызнаны вінаватым ва ўдзеле ў «масавых беспарадках і ўжываньні гвалту ў дачыненьні да прадстаўнікоў улады». Актывісту прысудзілі 3,5 гады калёніі агульнага рэжыму.
Паводле амбасады Расеі ў Беларусі, 25 сакавіка ў Менску былі затрыманыя чацьвёра расейскіх грамадзянаў, трое зь іх пакараныя адміністрацыйнымі арыштамі.
Цяпер чытаюць
Соф'я Сапега: Пратасевіч нагаварыў на мяне цэлы том крымінальнай справы12
Соф'я Сапега: Пратасевіч нагаварыў на мяне цэлы том крымінальнай справы
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары