А Літва зацікаўлена ў спрашчэньні візавага рэжыму з нашай краінай. У Друскеніках адбылася сустрэча прэм'ераў Літвы і Беларусі.
Літва зацікаўлена ў спрашчэньні візавага рэжыму зь Беларусьсю
Пра гэта на сустрэчы ў Друскінінкаі з прэм'ер‑міністрам Беларусі Сяргеем Сідорскім заявіў яго літоўскі калега Гедзімінас Кіркілас.
Кіркілас мяркуе, што цана 60 эўра за візу эканамічна не абаснавана. Аднак палітычнае рашэньне па гэтым пытаньні павінны прыняць усе краіны ЭС.
Падчас сустрэчы прэм’еры Літвы і Беларусі абмеркавалі пытаньні больш эфэктыўнага выкарыстаньня кантэйнернага цягніка «Вікінг». Сяргей Сідорскі цікавіўся таксама магчымасьцямі перавалкі нафты праз Клайпедзкі порт, ішла гаворка пра інвэстыцыйны клімат у Беларусі.
Таксама Сідорскі заявіў, што Беларусь да 2015 году, раней заплянаванага тэрміну, пабудуе першы з двух рэактараў АЭС і, ня выключана, што частка электраэнэргіі будзе пастаўляцца ў Літву. Пра гэта паведамляе БЕЛТА
* * *
Партал delfi зазначае, што на сустрэчы абмяркоўвалася і міжнароднае становішча Беларусі.
Кіраўнік літоўскага ўраду назваў гэтую сустрэчу вельмі сяброўскай, піша delfi.
На думку, Кіркіласа, кантакты зь Беларусьсю, якую называюць апошнім аплотам дыктатуры ў Эўропе, непазьбежна, бо краіны аб’ядноўвае нямала важных пытаньняў.
«Я размаўляў пра гэта з канцлерам Нямеччыны Ангелай Мэркель, якая гасьціла ў Вільні.
Яна таксама пагаджаецца, што Беларусь ступіла на шлях прагрэсу— запрасіла назіральнікаў АБСЭ [на парлямэнцкія выбары ‑‑ НН], вызваліла палітвязьняў», — сказаў Г. Кіркілас.
«Прэм’ер Сідорскі мне сказаў, што яны пусьцяць усіх назіральнікаў, якія толькі пагодзяцца ўдзельнічаць. Калі гэта адбудзецца, гэта будзе вельмі сур’ёзны крок наперад», — адзначыў Кіркілас.
Сяргей Сідорскі запрасіў Гедзімінаса Кіркіласа наведаць Менск, падкрэсьлівае delfi.lt
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары