У Беларусі ўвялі адміністратыўную адказнасць за антырасійскую крычалку
За крычалку «Хто ня скача, той м…ль», якая стала шырока вядомая пасьля Эўрамайдану і Рэвалюцыі годнасьці 2014 году ў Кіеве, цяпер у Беларусі будуць прыцягваць да адміністрацыйнай адказнасьці, паведамляе «Радыё Свабода».
У тым ліку прадугледжаны грашовы штраф ці адміністрацыйны арышт.
Інфармацыю пра гэта Свабодзе пацьвердзілі ў Цэнтральным раённым судзе Менску.
«Адпаведнае рашэньне прыняў судзьдзя Андрэй Зянкевіч 23 верасьня», — паведамілі ў прэсавай службе суду.
Суд Цэнтральнага раёну Менску ня першы раз прызнае экстрэмісцкімі крычалкі беларускіх фанатаў. Гэтак, у 2016 годзе экстрэмісцкай была прызнаная крычалка на матыў дзіцячай песьні «Вместе весело шагать».
За распаўсюджваньне крычалак, якія ўключаныя ў сьпіс экстрэмісцкіх, парушальніку пагражае штраф ад 10 да 50 базавых велічынь альбо адміністрацыйны арышт.
Каментары