У Мінску ў памяшканні «Спутніка» адбылася прэс-канферэнцыя расійскага пасла Міхаіла Бабіча. Вядучыя інтэрнэт-СМІ краіны адмовіліся туды ісці з прычыны заяўленай тэмы: «угодкаў далучэння Крыма да Расіі».
Чытайце: «Наша Ніва», Tut.by, БелаПАН, «Народная Воля» і «Еўрарадыё» вырашылі не ўдзельнічаць у прэс-канферэнцыі Бабіча
Напярэдадні з'явілася інфармацыя, што дзяржаўным СМІ забаранілі прыходзіць на канферэнцыю, але гэта выявілася праўдай толькі часткова — насамрэч, прадстаўнікі дзяржаўных СМІ прысутнічалі, але не задавалі ніякіх пытанняў і ў выніку не далі ніякай інфармацыі.
Хто ў выніку браў удзел у прэс-канферэнцыі? Пералічым усіх, хто задаваў пытанні. Наперад варта сказаць, што значных беларускіх СМІ сярод іх не было.
Такім чынам, пытанні задалі:
— Беларуская служба расійскага агенцтва «Інтэрфакс».
— Расіянін Сямён Уралаў, які прэзентуе сябе кіраўніком «саюзнага партала» САНАР-2050.
— Аляксей Дзерман, рэдактар «Імхаклаба».
— Расійская газета «КоммерсантЪ».
— Уласна сам «Спутнік».
— «Міжнароднае грамадскае аб'яднанне «Русь едіная» «з аднайменным парталам».
— Андрэй Сыч, румолавец з Гомеля, які прадстаўляў «Наш Гомель» — сайт, дзейнасць якога, як можна меркаваць, вядзецца за грошы расійскіх фондаў. Уласнага кантэнту на ім вобмаль.
— Журналістка канала «112 Украіна». Яна ўдакладніла, а навошта ўвогуле вось гэта ўсё.
— Карэспандэнт «Цяперашняга часу» (відэапраект «Голасу Амерыкі») Серж Харытонаў.
— Невядомы ў журналісцкіх колах сайт «Еўразійскае партнёрства».
— Прарасійскі актывіст Арцём Агафонаў.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?21
Каментары