Іх сёння абраў тайным галасаваннем Архіерэйскі сабор РПЦ. Цікава, што ўладыка Філарэт у 1982 г. высвячаў у япіскапы аднаго з сённяшніх прэтэндэнтаў на пасаду кіраўніка РПЦ.
Архіерэйскі сабор РПЦ, што прайшоў у нядзелю ў Маскве, назваў імёны трох прэтэндэнтаў на пасаду кіраўніка Рускай праваслаўнай царквы.
Гэта мітрапаліты: Смаленскі і Калінінградскі Кірыла, Калужскі і Бароўскі Клімент, Мінскі і Слуцкі Філарэт.
За Кірылу прагаласавалі 97 чалавек, Клімента – 32, Філарэта – 16.
Чацвёртае месца заняў мітрапаліт Круціцкі і Каломенскі Ювеналій, ён набраў 13 галасоў.
Мітрапаліт Кіеўскі і усёй Украіны Уладзімір набраў 10 галасоў, як і мітрапаліт чарнавіцкі і Букавінскі Ануфры – таксама 10 галасоў. Яшчэ восем архіерэяў набралі ад аднаго да сямі галасоў.
У паседжанні Архіерэйскага сабору ўдзел 198 з 202 архіерэяў РПЦ, у кожным бюлетэні магла стаяць толькі адна пазнака.
Выбары патрыярха РПЦ пройдуць 27 студзеня падчас Памеснага сабору, з удзелам 711 дэлегатаў ад духавенства і свецкіх асобаў.
Мітрапаліт Філарэт – найстарэйшы з трох прэтэндэнтаў. Ён на 11 гадоў старэйшы, чым Кірылу, і 14 гадоў - за Клімента.
Дарэчы, Клімент хіратанісан у япіскапы ў Мінску (у 1982 г.) І сярод тых, хто здзяйсняў хіратонію быў Філарэт.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс1818
Каментары