Вярхоўны суд перанёс разгляд касацыйнай скаргі асуджаных на смяротнае пакараньне і пажыццёвае зняволенне.
Суд пад старшынствам Валера Кулінковіча задаволіў просьбу абароны адкласці слуханні, каб адвакаты змаглі азнаёміцца з матэрыяламі справы. Суд таксама задаволіў просьбу Андрэя Жука забараніць журналістам здымаць у залі суду.
27 лютага ў Салігорскім раёне былі жорстка забітыя
два супрацоўнікі сельгаспрадпрыемства «Бальшавік‑Агра», якія перавозілі грошы для заробку работнікам.
Забойцаў і выкрадальнікаў грошай міліцыя неўзабаве знайшла. Паводле рашэння Мінскага абласнога суда, вінаватымі ў злачынстве прызнаныя Андрэй Жук, Іван Сарокін і Уладзімір Мароз.
Раней судзімага Андрэя Жука прызналі кіраўніком злачыннай банды і ўдзельнікам забойстваў. Яго выпраўленне суд палічыў немагчымым і прысудзіў яго да найвышэйшай меры — смяротнага пакарання.
Іван Сарокін атрымаў пажыццёвае зьняволенне. Уладзімер Мароз правядзе за кратамі 13 гадоў.
Андрэя Жука як асуджанага на смерць суд павінен заслухаць асабіста. Скаргу Івана Сарокіна разгледзяць завочна.
***
Забойства 27 лютага
Машына з грашыма для работнікаў мясцовага сельгаспрадпрыемства трапіла ў засаду на ўскрайку Салігорска.
Напад і расправа здарыліся проста на ўзбоччы дарогі, якая выкарыстоўваецца ў асноўным для патрэбаў тутэйшага прадпрыемства.
Перад выпадковым кіроўцам паўстала вусцішная карціна. Целы мужчыны й жанчыны ляжалі ў лужыне крыві на белым снезе
Злачынцы дэталёва падрыхтавалі план нападу. Легкавік напароўся на загадзя ўсталяваныя самаробныя калючкі. Машыну развярнула ўпоперак дарогі.
Калі бухгалтарка паспрабавала зачыніцца ссярэдзіны, ёй у голаў праз шкло стрэлілі з абрэзу.
Пасля забілі й кіроўцу. З салону нападнікі забралі 73 мільёны рублёў — заробак працаўнікоў тутэйшага СВК. Непадалёк ад месца злачыну нападнікі разабралі й выкінулі зброю, сотавыя тэлефоны й пазбыліся вопраткі. Знайсці іх удалося па следзе ад чаравіка.
Цяпер чытаюць
Бабарыка пра сябе ў 2020-м: Гэта не наіўнасць. Не думаю, што такога крыважэрнага сцэнара нехта чакаў51
Каментары