Чорная пятніца ў Беларусі. Зручны гайд па самым выгадным распродажы года
Беларускія крамы ва ўсю моц рыхтуюцца да Чорнай пятніцы. Сабралі падрабязны агляд зніжак і акцый, якія дапамогуць нядрэнна ашчадзіць.
Дзе абнавіць мэблю і тэхніку
Крама разумнай электронікі Xistore.by прапануе набыць гаджэты са зніжкай да 40%. Так, да 27 лістапада на куплі мыючага робата-пыласоса Xiaomi Robot Vacuum S10T можна будзе зэканоміць 350 рублёў.
«Электрасіла» таксама ўдзельнічае ў акцыі. Па 30 лістапада некаторыя пазіцыі бытавой тэхнікі ў крамах гэтай сеткі будуць каштаваць на 5-30% танней.
У гіпермаркеце будаўнічых матэрыялаў «ОМА» распродаж прадоўжыцца амаль два тыдні: да 3 снежня цэны будуць зніжаны больш, чым на 10 тысяч тавараў.
Акрамя звыклых пазіцый тыпу дрыля, які зараз каштуе на 82 рублі танней за свой першапачатковы кошт, у распродажы ўдзельнічаюць і іншыя цікавыя рэчы. Напрыклад, на куплі двухметровай елкі можна зэканоміць 40% — тое, што трэба перад надыходзячымі святамі.
Да 23 лістапада можна абнавіць мэблю. «АМІ» прапануе зніжкі на крэслы, камоды, мэблевыя гарнітуры і іншыя прадметы інтэр'еру. Добры дысконт на артапедычныя матрацы — адзін з такіх прадаюць на 670 рублёў танней за першапачаткы кошт.
Чаму б не адсвяткаваць пакупкі за святочным сталом? Да 26 лістапада акцыі будуць у сетцы крам Green — там абяцаюць зніжкі да 63%.
Адзенне і абутак
Вытворца адзення Mark Formelle заклікае купіць 3 рэчы і атрымаць чацвёртую ў падарунак. Акцыя працягнецца да 26 лістапада і будзе дзейнічаць на сайце брэнда, а таксама ва ўсіх крамах фірмовай сеткі. Здзелка распаўсюджваецца на ўвесь асартымент тавараў — ад цёплых касцюмаў і тэрмабялізны да паўсядзённага адзення і пацешных шкарпэтак.
«Элема» змяншае кошт вырабаў на траціну. Да канца тыдня паліто, курткі і паўсядзённае адзенне ад беларускага вытворцы можна будзе купіць на 30% танней.
Буйныя маркетплэйсы таксама далучыліся да Чорнай пятніцы. Так, Lamoda прапануе зніжкі да 70% на жаночае, мужчынскае і дзіцячае адзенне.
Wildberries пайшоў далей — ён заваблівае пакупнікоў зніжкамі да 90%. На распродаж трапяць тавары для дома, касметыка, электроніка, адзенне і многае іншае.
Касметыка і парфумерыя
Да 30 лістапада акцыі пройдуць у краме «Залаты яблык». Рэтэйлер абяцае зніжкі да 40% і прамакоды на асобныя катэгорыі тавараў.
Да распродажы далучыўся «Краўт». Крама касметыкі і аксэсуараў для прыгажосці зніжае кошт некаторых тавараў на 40%.
Зніжка ў краме французскай касметыкі і парфумерыі Yves Rocher больш адчувальная — да 70%. Праўда, дзейнічае яна ўсяго на 50 пазіцый тавараў з той колькасці, што прадстаўлена ў краме.
Навучанне і кнігі
Парадаваць сябе добрай кніжкай дапаможа Oz.by. Сусветныя бэстсэлеры і навінкі рынку цяпер там прадаюцца на 70% танней.
Жадаеце вывучыць замежную мову, але шкадуеце грошай? Цяпер вам не адкруціцца — Lingualeo дорыць зніжкі ад 50 да 98% на розныя курсы і яшчэ 60% — на прэміум-акаўнт.
Фота: сайт крамы
Што прапануюць гандлёвыя цэнтры Мінска
З 26 па 28 лістапада ў Black Friday паўдзельнічаюць практычна ўсе магазіны ТРЦ Galleria Minsk. Чакаецца, што памер зніжак будзе дасягаць 90%.
Вялікі распродаж чакаецца ў ГЦ «GREENЦЭНТР». З 24 па 26 лістапада магазіны цэнтра прапануюць зніжкі да 80%. ГЦ «Скала» рыхтуе аналагічную акцыю — на выхадных там таксама можна абнавіць гардэроб, зэканоміўшы да 80%.
Чорная пятніца ў сталічных універмагах
Мінскі ЦУМ падыходзіць да самага маштабнага распродажу года ў поўным узбраенні. 24 лістапада адзін з самых старых магазінаў горада знізіць кошт некаторых тавараў на 40%.
Сталічны ГУМ абяцае зніжкі да 55%. Акрамя адзення на распродаж трапяць ювелірныя ўпрыгажэнні, тавары для дома і навагоднія цацкі.
Гандлёвы дом «На Нямізе» робіць распродаж з 23 па 25 лістапада. Са зніжкай да 50% будзе прадавацца бытавая тэхніка, тавары для дома, адзенне і спартыўны інвентар.
Каб паход па крамах аказаўся па-сапраўднаму выгадным, скарыстайцеся нашымі парадамі па паспяховым шопінгу ў перыяд распродажаў.
Цяпер чытаюць
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай13
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»2727
Каментары