У Германіі мноства пажарных ратавалі карову і быка, якія зваліліся ў басейн ВІДЭА
У выратавальнай аперацыі ўдзельнічалі дзясяткі пажарных з усёй акругі.
![](http://nnexpictures.fra1.digitaloceanspaces.com/img/w732d4webp1/photos/z_2024_06/kkkkkkk-hpa3g.jpg.webp)
Карова і бык трапілі ў пастку ў вёсцы Ленгефельд у Цюрынгіі, піша Bild.
Яны прайшлі праз брамку ў двор суседняга дома і праваліліся ў басейн. Спачатку жыхары думалі, што жывёлы хацелі выкупацца, бо стаяла спякота. Але, відаць, яны і не ведалі, што там вада, бо басейн быў накрыты брызентам.
У выратавальнай аперацыі ўдзельнічалі дзясяткі пажарных з усёй акругі.
Жывёлам прыйшлося ўкалоць заспакаяльнае, а ваду адпампаваць.
Затым кожную з жывёл вагой па 700 кг паднялі наверх кранам.
Каментары