Шпіёнку Дар'ю Астапенку, асуджаную ў Польшчы, пасля суда вызвалілі з-пад варты
Дар’і Астапенцы на судзе прызначылі 1 год 8 месяцаў зняволення і адначасова вызвалілі з-пад варты, паведамляе тэлеканал «Белсат» са спасылкай на прэс-службу Акруговага суда Варшава-Прага.
Раней жанчыну прызналі вінаватай паводле артыкула «Шпіянаж», які прадугледжвае мінімальна 5 гадоў турмы. Нягледзячы на гэта, Дар’і Астапенцы прызначылі эксклюзіўна малы тэрмін, а цяпер, як выглядае, і ўвогуле вызвалілі.
«Дар’я Астапенка была асуджаная на турэмнае зняволенне тэрмінам 1 год 8 месяцаў з надзвычайным змякчэннем. Перыяд часовага затрымання і ўтрымання пад вартаю з 20 снежня 2023 па 10 верасня 2024 года быў залічаны ў тэрмін пакарання», — сказалі «Белсату» ў прэс-службе Акруговага суда Варшава-Прага.
Пры гэтым суд скасаваў меру стрымання ў выглядзе ўтрымання пад вартай:
«Суд пастанавіў вызваліць яе. Пастанова накіраваная ў СІЗА, і калі няма падстаў для далейшага ўтрымання пад вартаю з увагі на іншую справу, то Дар’я Астапенка цяпер на волі».
Чаму суд вынес такі мяккі прысуд і пастанавіў вызваліць шпіёнку, пакуль не вядома. Гэта будзе пазначана ў матывацыйнай частцы прысуду, які пакуль не абнародаваны, і ў прэс-службе тлумачэнняў не даюць.
Зрэшты, прысуд яшчэ не набыў моц, абскардзіць вырак можа як адвакат фігуранткі, так і пракуратура.
Актывістцы «Гавары праўду» далі ў Польшчы рэальны тэрмін за шпіянаж на карысць Беларусі
У Варшаве грамадзянку Беларусі будуць судзіць за перадачу КДБ інфармацыі пра беларускія арганізацыі ў Польшчы
Затрыманая ў Польшчы агентка КДБ раней была порнаактрысай
Стала вядома, што за беларуску арыштавалі ў Польшчы за працу на КДБ
Каментары