18-гадовая гімнастка, якую трэніруе беларуска, стала спартоўкай года ў Германіі
Гімнастка Дар'я Варфаламееў (Darja Varfolomeev — такія правілы нямецкай мовы), якая выступае за Германію, атрымала тытул «спартоўка года». Прэстыжная ўзнагарода была ўручана ў Бадэн-Бадэне ўчора, піша Deutsche Welle.
Дар'я заваявала золата на Алімпійскіх гульнях у Парыжы.
Поспех Дар'і Варфаламееў пераканаў членаў Аб'яднання нямецкай спартыўнай журналістыкі — большасць прагаласавала за яе кандыдатуру.
Дар'я нарадзілася ў Барнауле. У Расіі гімнастка выступала на розных юніёрскіх спаборніцтвах. На Алімпійскіх гульнях у Парыжы гімнастка выйграла індывідуальнае шматбор'е. У Нямеччыну яна пераехала ў 2019 годзе і змяніла спартовае грамадзянства. На рахунку яе шэсць залатых медалёў, чатыры сярэбраныя і адна бронза на чэмпіянатах свету (2022, 2023), два залатыя і тры бронзы на чэмпіянатах Еўропы (2022, 2023, 2024).
Зборную Германіі трэніруе беларуска Юлія Раскіна — сярэбраны прызёр Алімпіяды-2000 у асабістым мнагабор'і.
18-гадовая Дар'я Варфаламееў стала першай гімнасткай, удастоенай тытула «спартоўка года».
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары