Грамадства66

У Гродне дзіця два месяцы крала цацкі з крамы. Яго маці хоча падаць у суд на прадаўцоў

Дзіця гродзенкі з сярэдзіны лістапада крала цацкі з крамы «Детмир» на вуліцы Агінскага. За два месяцы дзіця вынесла тавараў амаль на тысячу рублёў. Калі гродзенка выявіла, што цацкі былі скрадзены, яна вырашыла падаць заяву ў суд на супрацоўнікаў крамы. Па меркаванні жанчыны, адказнасць за знікненне тавару ляжыць на іх, піша hrodna.life. 

Ілюстрацыйны здымак. Фота: vecteezy.com

Гродзенка Фаіна апублікавала відэа ў TikTok 19 студзеня. Праз 20 гадзін пасля публікацыі ролік быў выдалены. За гэты час яго паглядзелі больш за сто тысяч карыстальнікаў, каля тысячы чалавек пакінулі свае каментарыі.

Машынкі краме вярнулі, а канструктар не атрымалася

Дзевяцігадовае дзіця Фаіны прыносіла дадому новыя цацкі з сярэдзіны лістапада. Жанчына звярнула на гэта ўвагу, але дзіця сказала, што ўзяло іх у знаёмага хлопчыка. Па словах гродзенкі, яна не надала асаблівага значэння гэтаму эпізоду.

Ужо 18 студзеня да Фаіны звярнуўся прадавец з крамы «Детмир» і паведаміў, што яе дзіця скрала цацкі. «Прынесла мне скрынкі ад гэтых цацак: там былі машынкі Hot Wheels і, атрымліваецца, Lego. Цацкі я аддала ёй, Lego мы не змаглі [аддаць], таму што яно разабранае», — распавяла ў відэа Фаіна.

Гродзенка запэўніла, што за Lego яна «адназначна заплаціць».

Дзіцёнак вынес цацкі на суму амаль у тысячу рублёў

Фаіну абурыла, што яе дзіця два месяцы прыходзіла ў краму і бесперашкодна выносіла цацкі. Але прэтэнзіі ў гродзенкі ўзніклі не да дзіцяці, а да супрацоўнікаў крамы.

«Атрымліваецца, яны сёння яго злавілі за руку і прывялі да мяне. Гэта значыць, на працягу двух месяцаў вы не бачылі <…> што ў вас тавару скралі на тысячу беларускіх рублёў?» — абураецца гродзенка.

Жанчына плануе судзіцца з крамай, бо лічыць сітуацыю надзвычайнай. Фаіна адзначае, што адказнасць за знікненне тавару ляжыць на супрацоўніках, адсутнасці ў краме камер і ахоўнікаў, што і стала прычынай крадзяжу. Пры гэтым гродзенка дадае, што ад адказнасці сыходзіць не збіраецца і будзе «адказваць за ўчынкі свайго дзіцяці».

За крадзеж з крамы сям’ю могуць паставіць у СНС

Згодна з беларускім заканадаўствам, дзеці, якія не дасягнулі 14 гадоў, не нясуць крымінальнай адказнасці. Пры гэтым сям’ю Фаіны могуць прызнаць сацыяльна небяспечнай (СНС). Гэтая працэдура прадугледжана для праблемных сем’яў. У тым ліку ў СНС трапляюць і непаўналетнія, абвінавачаныя ў крадзяжах, бойках і распіванні алкаголю.

СНС прадугледжвае праверкі сям'і з боку сацыяльных работнікаў і пастаноўку дзіцяці на ўлік у дзіцячым пакоі міліцыі.

Каментары6

  • Лейцар коркавы
    20.01.2025
    Фаіна, цікавае імя. Столькі цацак новых, і ...я не надала ўвагі.
  • дочка Максима Дизайнера
    20.01.2025
    Лейцар коркавы, дык сама мамаша па ходу такая... у некага ж дзіцё навучылася
  • Барадзед
    20.01.2025
    Маленький вундеркинд, вырастет членом правительства, там воруют по-крупному.

Цяпер чытаюць

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Усе навіны →
Усе навіны

ЗША правядуць двухбаковыя перамовы з Расіяй і Украінай, а ўжо потым — сумесныя2

«Існуе праект па стварэнні адзінага каталога франшыз Саюзнай дзяржавы». Як у Беларусь заходзяць расійскія сеткі крам і кафэ6

«Калі перамовы стануць «новай Ялтай», то менавіта Беларусь рызыкуе стаць маўклівай ахвярай вялікай амаральнай здзелкі»21

У Беларусі засталося ўсяго сем прыватных школ4

Вольга Лойка: Я не вельмі веру ў перспектывы міністра Маркава дастаць паўнамоцтвы з-пад ААЦ3

Уладальнік гродзенскай этна-крамы «Цудоўня» ў СІЗА2

Праўладны спявак дамовіўся, каб у туалеце кавярні гучала яго песня9

Пяць высноў з Мюнхенскай канферэнцыі па бяспецы, якая ўвойдзе ў гісторыю20

Яўген Дудкін патлумачыў, чаму стаў сакрэтным агентам КДБ25

больш чытаных навін
больш лайканых навін

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Цэнтральную ролю ў арганізацыі перамоваў з амерыканцамі адыграў муж Наталлі Пяткевіч. Чаму ён?

Галоўнае
Усе навіны →

Заўвага:

 

 

 

 

Закрыць Паведаміць