У турыстычны маршрут для расіянаў па Беларусі ўключылі школу, дзе вучыўся Лукашэнка
Турыстычны цэнтр «Дартур» Белчыгункі сумесна з расійскімі калегамі з РЖД распрацаваў новы праект «Пярліны Беларусі», які стартаваў 22 жніўня, паведамляе Белчыгунка.
Госці з Расійскай Федэрацыі на працягу двух дзён здзейснілі займальнае падарожжа з Масквы ў Гомель, Магілёў, Шклоў і Александрыю.
«Насычаная турыстычная праграма пілотнага праекта прадугледжвала знаёмства з мясцовымі славутасцямі, гісторыяй, культурай і традыцыямі нашай краіны, дэгустацыю страў нацыянальнай кухні», — гаворыцца ў паведамленні.
Госці наведалі жывапісны Гомельскі палацава-паркавы ансамбль, у Магілёве ўбачылі старажытныя фрэскі кафедральнага касцёла Успення Дзевы Марыі і Святога Станіслава і Свята-Мікольскага жаночага манастыра, пабывалі ў Магілёўскім абласным краязнаўчым музеі, на Алеі Герояў і ў мемарыяльным комплексе «Буйніцкае поле».
Акрамя таго, турысты наведалі малую радзіму Лукашэнкі — аграгарадок Александрыя. У школе, дзе ён вучыўся, для іх арганізавалі экскурсію. Гасцям паказалі і знакамітую Трафімаву крыніцу.
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары