Актывісты «Маладога фронта» (зарэгістраваны ў Чэхіі) правядуць акцыю, прысвечаную дню святога Валянціна, у незвычайным для свята фармаце. 14 лютага маладыя людзі збяруцца каля будынка КДБ з віншавальнымі паштоўкамі для арыштаваных па крымінальнай справе, распачатай пасля падзей 19 снежня.
«Арыштаваным фактычна забаронены свабодныя сустрэчы з адвакатамі і роднымі, ім не перадаюць прэсу і нашы лісты, каб яны не ведалі пра хвалю падтрымкі, што разгарнулася ў Беларусі і за яе межамі; каб яны не ведалі, што мы за іх перажываем і чакаем іх на волі.
Вядома, што паштоўкі без аніякіх допісаў ад рукі — прымаюць і перадаюць.
Прыносце разнастыйныя паштоўкі з прыгожымі малюнкамі і смешнымі надпісамі», звяртаюцца актывісты МФ да усіх, хто хоча падтрымаць палітзняволеных.
Актывісты «Маладога фронта» некалькі гадоў запар праводзяць акцыі ў Дзень святога Валянціна. Яны наведваюць амбасады краін Заходняй Еўропы і ЗША, ладзяць святочныя шэсці. Як правіла, гэтыя акцыі жорстка разганяліся спецназам. Была нават распачата крымінальная справа супраць актывіста арганізацыі Яўгена Скочкі за запуск петардаў падчас шэсця.
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г1
Каментары