«Известия»: Мінабароны ўзброіць разведчыкаў «шпіёнскімі камянямі»
У акруговыя разведпадраздзяленні Сухапутных войскаў Расіі пачаліся пастаўкі электронных прыладаў, прызначаных для кантролю за тэрыторыяй саперніка,
пішуць «Известия».
Як расказала крыніца ў Мінабароны, гэтыя прылады ўваходзяць у Комплекс разведкі, сувязі і кіравання (КРУС), якім цяпер узбройваюць ваенных разведчыкаў. Вонкава «шпіёнскія камяні» падобныя да тоўстай кнігі і ў замаскаваным выглядзе могуць месяцамі кантраляваць становішча ў тыле ворага, а падчас нападу — наводзіць гарматы і ракеты.
У студзені 2006 года ў цэнтры ўвагі апынулася гісторыя са «шпіёнскім камнем», усталяваным у Маскве супрацоўнікамі брытанскай разведкі. Паводле дадзеных ФСБ, ён выкарыстоўваўся не для збору, а для прыёму і перадачы інфармацыі. Расійскія прыборы больш падобныя да ізраільскіх сістэмаў разведкі Eye Ball і амерыканскіх Rembass.
Назвы і характарыстыкі новых прыладаў не раскрываюцца, аднак яны з’яўляюцца развіццём савецкіх сістэм аўтаматычнай разведкі 1К124 «Табун» і 1К18
Гэтыя апараты забяспечаныя відэакамерамі, мікрафонамі, датчыкамі металу і сейсмадатчыкамі. Яны здольныя аўтаматычна фіксаваць перамяшчэнне людзей, аўтамабіляў і бронетэхнікі, распазнаваць аб’екты з дапамогай вызначаных алгарытмаў. Сейсмічныя датчыкі дапамагаюць па ваганнях глебы распазнаць набліжэнне калоны бронетэхнікі.
Цяпер чытаюць
Сяргей Ціханоўскі запусціў свой ютуб-канал з вершамі і казкамі39
Каментары