Прадстаўнікі сірыйскай апазіцыі паабяцалі выплаціць $25 млн таму, хто выдасць ёй прэзідэнта краіны Башара Асада «жывым або мёртвым»,
паведамляе
Адзін з камандзіраў Сірыйскай свабоднай арміі Ахмед Хіджазі растлумачыў, што сродкі будуць выплачаныя «сірыйскімі бізнэсоўцамі, якія працуюць у краіне і за яе межамі, і людзьмі, якія падтрымліваюць апазіцыю».
Хіджазі дадаў, што ўзнагароджанне закліканае «заахвоціць да дзеяння людзей з блізкага атачэння Асада».
Канфлікт у Сірыі працягваецца ўжо больш за год. Заходнія краіны і шэраг арабскіх дзяржаваў дамагаюцца сыходу прэзідэнта Башара Асада, мяркуючы, што гэта спыніць гвалт. Расія і Кітай, наадварот, асцерагаюцца, што замежнае ўмяшанне ў сітуацыю ў Сірыі і страта дзяржаўнасці прывядуць да разрастання канфлікту. Улады Сірыі, у сваю чаргу, заяўляюць, што сутыкаюцца з супрацівам добра ўзброеных баевікоў, падтрымка якім аказваецца звонку.
Цяпер чытаюць
Ад прыватнікаў патрабуюць завесці ідэолага ў штаце — распыталі, што робяць кампаніі15
Каментары